-->
A AW B CH D E F G NG H I J K L M N O P R S T U V Z

Newly Added Hmar Lyrics

Phuoktu: Pi Hrangneikim

1. Thuthlung thar ram vân thumna ram letling hringnun ram chu,
A ram leilung a lo indang ta ngei;
Lal pâr tlân a lêng lai ni pâr anga hung ṭuoiin,
Chi tam tak thla di'n Lal rûn ka suok san.




CHORUS:

Aw chu ram leilung a chun,
Mâni hmasielna ram an naw;
I hringnun lâwmna chu i unau inhlân la,
Hlinglukhum khum la i unau lallukhum inhlân lem rawh.

2. Aw chu rama chêng hai chun hmangaina chau hmasuon in,
An rieng rethei hausa an dang ta naw;
Rinum harsatna hnuoia sandamna sinthaw in,
San hai damna dingin ṭuon zai kan rêl.

3. Ka damsan chu hi a nih harsatna thlipui hrângin,
A nuoi vêl hringmi hai sansuok dingin;
Suokna remchâng tam sienkhawm suonlam siem thei lo di'n,
A âia ngîr dingin a mi ring tah.

4. Hringna thing Lalpa phun hai ei nun in en chieng ei tiu,
Ei buk hlima rethei hai an châwl dam am?
I ra an sâng taluo chun ṭâm sâwl le châu haiin;
Fa phâk naw ni hai hnuoi hrûtin ra rawh.

Submitted & Edited by: Patrick Andrew T. Changsan

Phuoktu: Solomon V. Hmar

1. Lawmna ding vawng hi a lo ni ie,
Ka Lalpa mi ṭhuoi dân lampui hi;
Ka mamaw le ka ṭûl a hriet a,
Ka ta ding a ṭha chau a mi pêk.

CHORUS:
Nuom dân le beisei angin hringnun hi,
Inher indik vawng naw sienla khawm;
Ka lawm pei ding Lalpa a chau chun,
Hmangaina'n a mi ṭhuoi ti ka hriet.

2. A thu ropui hai a mi hrilin,
An kieng hlak ka lungngai mang angna;
Ka hnuoi beiseina a lo thlâwn in,
Ka lawmman ama a nih a mi hril.

3. Lawm lo na ding san rêng ka nei naw,
Lawmna ding thil vawngin a min huol;
Ka thil nei hai ah ka lâwm naw chun,
Lawm ka tumna chu iem a ni a?

4. Lalpa a chau lawmna zawng hai chu,
Lawmna ding thil an tlasam ngai naw;
Tuor zing pumin damna an hmu a,
Thi zing pumin an hring hlak a nih.

Submitted & Edited by: Patrick Andrew T. Changsan

Phuoktu: Joshua Buhril

A mi zalêngha’n an hril tâwp naw, Chungvân angel chu i ni bîk nawh. Aw biengno mi hril rawh; Khawtieng mi am i n’a? I sakhmingmawi hriet ka nuom ngei el. Derthiem vâl ding chun mi ring naw la, I hun khawral el tum chu ka ni nawh. Aw mi lo hrethiem rawh, Nang ang rêng a nuimawi, Zîng dâidâw ang inthieng um thei ngâi maw? Chorus

Biethu tinkim i mi'n hlân a ṭûl nawh, I hlimna thurûk ni lang a huntâwk. I hmangaina mi’n hlân la khawm Kei lungmâwl hin dawn tlei thiem naw ning. Sienkhawm ka duthusâm sâm ding ni lang; Phullo Di, nang ngei hi! Tiena pi le puha’n an hril ienga Ṭuonpui hmelṭha lêngtin khûmtu. Aw kei te lul hi maw, Sawrtui Neilal ni si lo, Ṭuonpui hmelṭha zûnah ka’n uoi el hi A mi zalêngha’n an hril tâwp naw, Chungvân angel chu i ni bîk nawh. Aw mi lo hrethiem rawh, Nang ang rêng a nuimawi, Zîng dâidâw ang inthieng um thei ngâi maw?



Nang le Kei Lyrics

Phuoktu: Joshua Buhril A rinuma khawm, a'nhawia khawm Ringum zing di’n ei intiem a Ka harsat lai le saruok huna khawm Ka mawina silfen i ni si I ṭhatna le i hlutna Ka lo hriet ve sun hai po khawm kha Hlimthlâ ang chau lo niin Rohlu lem tamtak i lo phûmrûk si Nang hmangai che hi A'nhawiin a hâdam a nih Pasiet huna khawm, nang ke kei Hausak nia khawm, nang le kei Fanau maltluon chawia tarkûn hun chen khawmin, nang le kei Iengpo khawmin mi ṭhe naw sien, Nang le kei Rothilhlu ieng dang mamaw chuong naw ning I hmangai-ringumna chau naw chu Ka damlâini khawm inzâumtakin Hmang zing ka tih, i ta ding chauvin Thlang zing ka che kum sawmkuo liem hnung khawm Ka mawina-iengkim ka’n hlan che Tuktinpâr ienga mawi zingin Par zing ka tih, i ta ding chauvin Nang hmangai zing hi A'nhawiin a hâdam a nih Nang le Kei Damlâi hringnun khuolzinna lamtluong ei hraw muolsuo hmâkhat Biethu thlum zing sien, hmangaina vul zing sien.



Doh is G


1. Kan hlimna le kan lawmna ni, Krismas ni ropui chu,
Ngailai tamtak fam hnungin;
Tuhin a hung tlung nawk tah;
Vân Lal Immanuel hlim le lawmtakin ka inpâk che.

Lawmin kan inpak che, Vân Lal Immanuel;
Hnuoi mihai ta dinga damna chanchinṭha I ni si;
I sakhming rêng hi a mawi ie, kan lawmna sukkimtu;
Vân Lal Immanuel hlim le lawmin kan inpâk che.

2. Lungril ngui le nâhai har ro, Sandamtu a pieng tah,
A chîn a lien thlîr bîk neilo, Remna Lal a nih,
Hieng anga Lal hung pieng hi,
Vân hnuoi lai hin an um nawh.

3. Vân mipui râwl thangkhawk ri chun, Lunglai a nghawr vêl ie;
Lenruol dithai hung tho unla, Zaiin awipui ei tiu,
“A chunghnungtakah Pathien chu Ropui raw seh,”tiin.

4. Aw Lal Isu kan lungrilah, Lal dingin kan ngai che,
Mitin lungrilahai sukthiengin, Remna hung intlun la;
Chuongchun kan robawmhai hawngin,
Chibai bûk ngêi kan che.