Lyrics has been copied to clipboard!
~ RH Tusing
Thlaler hmun rium tak hnuoiah,
Um ka ni ti reng ka lovin hriet ngai nawh;
Suok ringkawla kha chen ka lo intang lai khawm,
I hmangaina chun saltang a mi’n suoktir tah.
Aw ka lawman ka puong seng nawh I hmangaina,
Suol tinreng hnuoia si’ng kan lawi hnung khawm;
Thlierbik umlovin Krista’n ro a rel,
Phulo hmangaina’n ka phur a mi’n zang tah.
Aw ka ngai ngei ka lungdithai,
Khawvêl par par chena ka lung inruol puihai;
Krista zui ding chun samang ṭhe aṭul ta si,
Hung pan ro, Lal Krista hmangaina angsung hi.
Nunhlui ka dawn chang ni hin maw,
Khawvêl hlimhlawpna vanglai chên lai ka ngai;
Sienkhawm hmelana doral lien an lo chang zo tah,
Ngai hle lang kawm Lal Krista zui lem tang ka tih.
Lungdithai po leh I vânram,
Inlawikim kan ti’m tia ka dawn changing;
Ka lung a zing hlak Lalpa, nang hung khek suok rawh,
Hnuoi rothil ngaiin hringnun an hmang zo ding si.
